Четири лица се здобиле со телесни повреди во сообраќајна несреќа што вчера се случила на магистралниот пат Гостивар–Кичево.
Според МВР, несреќата била пријавена во 18:20 часот во ОВР Кичево, а во неа учествувале патничко возило „шаран“ со скопски регистарски ознаки, управувано од 26-годишниот Д.Р. од Скопје, и патничко возило „рекстон“, сопственост на Министерството за внатрешни работи.
Во несреќата биле повредени сопатниците во „шаран“ – 67-годишниот У.Ж., 70-годишниот У.Ж. и 44-годишната Л.Т., сите од струшкото село Велешта, како и 22-годишниот Б.А. од Скопје.
Повредите биле констатирани во Медицинскиот центар во Кичево.
Увид на местото на несреќата извршила увидна екипа на ОВР Кичево.
