Четири лица се повредени, од кои едно тешко, во сообраќајна несреќа што синоќа се случила на крстосница во центарот на Скопје.
Според информациите од МВР, несреќата била пријавена на 2 септември во 22:10 часот, на крстосницата меѓу улиците „11 Октомври“, „Филип Втори Македонски“ и „Даме Груев“. Во несреќата учествувале патничко возило „фолксваген голф“ со скопски регистарски ознаки, управувано од 36-годишниот М.А. од Скопје, и патничко возило „пежо“, управувано од В.С. од Скопје.
Со тешки телесни повреди се здобил возачот на „пежото“. Возачот на „фолксваген голф“ и неговите сопатници, 24-годишната А.И. и 27-годишниот Д.П., двајцата од Скопје, се здобиле со телесни повреди.
Повредите биле констатирани во ЈЗУ „Св. Наум Охридски“ и во Комплексот клиники „Мајка Тереза“ во Скопје.
Увид на местото извршила увидна екипа на СВР Скопје.
