Четири лица се лишени од слобода во Скопје и Прилеп поради пронајдени материи за кои постои сомнение дека се наркотични средства, информира Министерството за внатрешни работи.
На 30 и 31 август, на различни локации во Скопје, полициски службеници од СВР Скопје ги лишиле од слобода З.Т. (26), Д.М. (32) и Д.Т. (31), сите од Скопје. Кај нив биле пронајдени и одземени бела прашкаста материја и марихуана.
Во друг одделен случај, на 30 август околу 19 часот, на улицата „Дабничка“ во Прилеп, полициски службеници од ОВР Прилеп го лишиле од слобода С.З. (47) од Прилеп, кај кого била пронајдена марихуана.
Од МВР информираат дека по целосното документирање на случаите ќе следуваат соодветни поднесоци.
