Четири лица се лишени од слобода во Скопје поради поседување различни видови наркотични материи, соопшти Министерството за внатрешни работи.
На 18 август, на повеќе локации во главниот град, полициски службеници од СВР Скопје ги привеле С.М. (22) од општина Сарај, И.Д. (40), О.И. (31) и 16-годишник, сите од Скопје.
При претресите кај нив биле пронајдени и одземени кафеава прашкаста материја, бела прашкаста материја, грутчеста материја и марихуана.
Од МВР информираат дека по целосното документирање на случаите ќе следуваат соодветни поднесоци.
