Чупеска бара одговори од безбедносните служби за случајот со Алта банка

Ана Чупеска упати десет прашања до Агенцијата за разузнавање (АР) и Агенцијата за национална безбедност (АНБ) во врска со случајот со Алта банка, барајќи одговори за евентуалната вклученост на безбедносните служби и нивното постапување пред влезот на банката во Македонија.

— реклама —

Во објава на социјалните мрежи, Чупеска прашува дали Агенцијата за разузнавање навреме предупредила за можните опасности од влезот на банката, дали ги информирала претседателот, претседателот на Собранието, премиерот, министерот за финансии и гувернерот, како и дали собрала информации за сопственичката структура и лицата поврзани со банката.

— реклама —

Од Агенцијата за национална безбедност бара одговор дали изработила процена за можните негативни влијанија врз банкарскиот и финансискиот систем, дали ги проверила лицата што влегле во управните и надзорните органи и дали за тоа го информирала државниот врв. Таа прашува и дали биле побарани или разменети информации со земјите членки на НАТО.

— реклама —

Чупеска отвора и прашања за тоа дали безбедносните служби навреме предупредиле, дали државниот врв свесно дозволил влез на банката и дали институциите ја извршиле својата законска задача или биле под политичка контрола.

— реклама —

„Овие прашања мора да се одговорат! Овие прашања се за нивните законски надлежности! Демократијата не подразбира молчење кога темелите на економската сигурност се разнишани“, наведува Чупеска, барајќи одговори од надлежните институции.