Црн биланс за едно деноноќие: Девет пријави за семејно насилство, седум лица приведени

Во текот на 12 јули, Министерството за внатрешни работи евидентирало девет случаи на семејно насилство низ државата, при што седум лица биле лишени од слобода, а едно лице било пренесено во Психијатриската болница во Демир Хисар.

Во валандовско село, полицијата привела 26-годишен маж кој, според пријавата, физички го нападнал својот 51-годишен татко.

— реклама —

Во Радовиш бил приведен 18-годишник поради агресивно однесување кон неговата мајка.

Во скопската населба Ѓорче Петров, полициски службеници го лишиле од слобода 54-годишниот Т.М., кој, според пријавата, со остар предмет упатувал закани кон сопругата и нивните деца.

— реклама —

Во Охрид биле приведени две лица – А.Д. (59) од Струга и Ж.С. (62) од Охрид, по семејна расправија во домот на нивните родители, при што Ж.С. физички нападнала членови на семејството.

Во Штип бил приведен 30-годишник, осомничен дека физички ја нападнал својата 24-годишна девојка.

— реклама —

Во Кавадарци полицијата го лишила од слобода 38-годишен маж, кој според пријавата на неговиот татко, агресивно се однесувал и фрлал предмети во домот.

Во Македонски Брод било пријавено дека 45-годишен маж физички ја нападнал својата 50-годишна сестра, а по расчистување на случајот ќе следува соодветен поднесок.

— реклама —

Во Битола, две лица пријавиле дека добивале закани од нивен близок роднина, а полицијата презема мерки за расчистување на случајот.

Во Куманово, 55-годишна жена пријавила дека подолг период таа и нејзините деца биле физички и психички малтретирани од нејзиниот сопруг, кој често бил под дејство на алкохол. Тој е пренесен во Психијатриската болница во Демир Хисар, а против него ќе биде поднесена соодветна пријава.