Дал 3.000 евра аванс за стока, но ниту ја добил ниту му ги вратиле парите

СВР Тетово поднесе кривична пријава против 39-годишен државјанин на Турција со престој во Тетово, поради постоење основи на сомнение за сторено кривично дело „измама“.

— реклама —

Според пријавеното, на почетокот на јануари 2026 година, М.С. (39) измамил 59-годишен жител на Тетово за сума од 3.000 евра.

— реклама —

Двајцата се договориле во продажен објект во Тетово за купување стока. 59-годишникот како аванс му дал 3.000 евра, додека остатокот од договорената сума требало да го плати по испораката на стоката.

— реклама —

Меѓутоа, според пријавата, стоката не била испорачана, а парите не му биле вратени на оштетениот.

— реклама —

По случајот, СВР Тетово поднесе кривична пријава против 39-годишникот поради сомнение за сторена измама.