„Четврт ден по ред Бисера Костадиновска Стојчевска молчи и не ги кажува имињата на членовите на комисиите кои се потпишале на скандалозната годишна програма на министерството за култура“, вели ВМРО-ДПМНЕ и додава:
50тина лица кои никој не ги знае бидејќи се тајни ќе наплатат хонорар од 4.5 милиони денари.
Дали Костадиновска Стојчевска свесно ги крие бидејќи ќе се дознае дека членот на комисијата за музејска дејност е наставник по англиски јазик, или пак дека членот на комисијата за визуелни уметности е сеуште студенти?
Доколку се испостави дека ова е точно, тогаш јасно е дека членовите на комисиите се всушност ставени по политичка препорака, а не поради нивна професионалност, стручност и компетенција, за да може Костадиновска Стојчевска лично да си носи свои одлуки при избор на проекти за годишна програма.
Со ова се фрла дамка на целиот процес на избор на проектите за годишната програма на министерството за култура.
Дополнително што треба да се одговори е како може чистењето на шкртаниците од Шарена револуција токму од овие членови е оценет како проект во културата и награден со 900.000 денари, додека манифестацијата Рацинови средби која што е втора најголема книжевно поетска манифестација која што има традиција 60 години од 600.000 денари од 2017та година па наваму е падната на бедни 86.000 денари поддршка од министерството.
Како може меѓународен форум да добие помалку средства за разлика од физичко лице кое доаѓа од истиот град како и министерката Костадиновска Стојчевска за проектот „Азбучен споменар“ за кој министерството дало повеќе од 1.100.000 денари. Или пак, случајот со одобрените 30.000 евра за финансирање на активности на драмски фестивал во друга земја, во Косово, а во исто време домашните театри поддржани со десет пати помали средства.
Се даваат пари и се наградуваат анонимуси, за разлика од реномирани манифестации кои имаат децениска традиција а на кои им се кратат средства.
СДС 7 години во министерството за култура создаде целосен пустош.
Во културата никогаш не било полошо. Важно е да ги поразиме.
