На Фејсбук профилот на Град Скопје деновиве беа објавени фотографии од изградбата на пристапна рампа кон пешачкиот мост во Сарај за лицата со потешкотии во движењето.
Веднаш по објавата се огласи поранешниот градоначалник на Град Скопје, Петре Шилегов ги искритикува пристапните рампи.
“Скопје не е ски центар па да се прават скокалници … Лицата со потешкотии во движењето ниту можат ниту ќе употребуваат вакви “пристапни рампи”. Прашајте ги токму нив за стандардите, аголот, можноста да се користи оваа “скокалница”. Тие, верувајте, најдобро знаат, вели Шилегов.
/fb_img_1653646394612" rel="attachment wp-att-183401">
Од Град Скопје апелираат да не се манипулира јавноста со фотографии од претходната состојба на патеката и проектот кој опфаќа реконструкција на целиот мост, кој е во интерес на сите граѓани и да не се злоупотребува за дневно политички цели.
„Рампата за пристап на лицата со потешкотии во движењето кон пешачкиот мост во Сарај се реализира според сите стандарди и согласно проектна документација изработена од стручни лица.
По негативните реакции од јавноста во врска со изградбата на рампата за пристап на лицата со потешкотии во движењето кон пешачкиот мост во Сарај, Град Скопје ја информира и уверува јавноста дека изградбата на патеката се реализира според сите стандарди за ваков вид патеки и согласно проектна документација изработена од стручни лица.
Со изградбата на оваа рампа на овој фреквентен потег ќе се овозможи полесен пристап до мостот во Сарај за сите граѓани, за лицата со потешкотии во движењето, за родителите со мали деца, велосипедистите и за рекреативците.
За да нема дополнителни заблуди во јавноста, Во прилог Ви испраќаме фотографии и видео анимација од проектот“, стои во објавата.
https://www.facebook.com/CityofSkopje/posts/pfbid02FMMPxWUx44XKfddUX5g5tUsrYjg36LFGAkQikj1En5mqFQT8stoRp1qGnEy1KM3rl
