Де Минор по поразот од Ѓоковиќ сака ново правило во тенисот

Австралискиот тенисер Алекс де Минор, кој го предаде финалето на турнирот во Пекинг против Новак Ѓоковиќ поради болка во мускулот, брзо се врати на терените. По настапот на мастерс-турнирот во Шангај, тој зборуваше и за правилата што би сакал да ги промени во тенисот.

Де Минор го предаде финалниот меч во Пекинг при водство на Ѓоковиќ од 7:6, 1:0. Поради проблемот со мускулот, се очекуваше австралискиот тенисер да направи подолга пауза, но неговото враќање на теренот следуваше набргу.

— реклама —

На мастерсот во Шангај беше слободен во првото коло, а во второто се пласираше понатаму откако Словакот Алекс Молчан го предаде мечот. Потоа Де Минор го совлада Сакамо со 7:6, 6:4 и продолжи со настапите на турнирот.

— реклама —

По победата, Австралиецот се осврна на можните промени во тениските правила, особено на времето што играчите го користат меѓу првиот и вториот сервис.

„Би го ограничил ли времето меѓу првиот и вториот сервис? Да, мислам дека тоа е во ред. Така би се спречило играчите да одвојуваат дополнително време меѓу двата сервиса“, изјави Де Минор.

— реклама —

Тој предложи и воведување правило според кое тенисерите би имале право само еднаш да го исфрлат топчето пред сервисот. Според неговата идеја, штом играчот ќе го исфрли топчето, мора да сервира, без оглед на околностите. Доколку одлучи да не сервира, тоа би се сметало за грешка.

— реклама —

Де Минор објасни дека со вакво правило би се спречиле ситуациите во кои играчите, по неуспешно исфрлање на топчето, повторно ја започнуваат целата подготовка за сервис.

„Тоа е мое лично мислење“, додаде австралискиот тенисер.