Од ЕВН Македонија информираат дека во нисконапонската мрежа во изминатиот период се евидентирани помал број интервенции, кои биле отстранети за кратко време.
Воедно, од компанијата најавуваат дека поради зафати во електродистрибутивната мрежа, денес без електрична енергија ќе останат дел од корисниците во Скопје.
Без струја од 08:30 до 16:00 часот ќе бидат корисниците од улиците „Пелагонија“, „Брсјачка Буна“ и „Индира Ганди“ во Општина Шуто Оризари.
Од 08:30 до 14:30 часот прекин на електрична енергија ќе има и за дел од улицата „Јустинијан Први“ во населбата Драчево, Општина Кисела Вода.
Од ЕВН апелираат до граѓаните за разбирање поради планираните активности за подобрување на мрежата.
