Вчера во полицијата било пријавено дека 15-тина лица делат шишиња вода и пропаганден материјал на политичка партија на наплатната рампа Глумово, на автопатот Скопје-Тетово и го попречувале нормалното одвивање на сообраќајот.
Полициски службеници излегле на местото на настанот. 11 лица се легитимирани и предупредени, а три лица се приведени во полициска станица бидејќи не сакале да се идентификуваат и ги омаловажувале полициските службеници.
По утврдување на идентитетот тие се пуштени, а поднесени им се прекршочни пријави.
