Од ЈП Водовод и канализација – Скопје информираат дека денес (14 мај) поради дефект на затворач ф-300 мм на улицата Женевска бб, кај последна „24-ка“, ќе има прекин во водоснабдувањето во повеќе улици во Скопје.
Без вода ќе останат корисниците од улиците: Женевска, Партизанска крак 1, дел од Софиска, Бриселска, Петар Драганов, Његошева, Стокхолмска, Гаврил Лесновски и дел од булеварот Партизански одреди, на потегот од мостот ОН до Московска.
Прекинот ќе започне од 09:00 часот и ќе трае до завршување на санацијата на дефектот.
