Денес ја славиме Светата маченичка Параскева: девојката која храбро ја исповедала христијанската вера

Светата маченичка Параскева била родена во градот Иконија, во семејство на богати и побожни родители. По нивната смрт, уште како млада девојка, почнала да го раздава наследениот имот на сиромашните и болните, во името на Господ Исус Христос.

— реклама —

За време на гонењето на христијаните во времето на царот Диоклецијан, Параскева била изведена пред кнезот на областа. Кога тој ја прашал за нејзиното име, таа одговорила дека се вика христијанка.

— реклама —

Кнезот ја укорил затоа што не го кажала своето световно име, на што таа му одговорила: „Требаше прво да ти го кажам името на вечниот живот, а потоа на привремениот“.

— реклама —

По мачењето, била фрлена во затвор, каде што, според преданието, ѝ се јавил ангел Господов, ги исцелил нејзините рани и ѝ дал утеха. Со молитва ги урнала идолите во незнабожечкиот храм.

— реклама —

По долгите и сурови мачења, светата Параскева била погубена со меч.