Денес се празнува зачнувањето на Свети Јован Крстител – празник на верата, надежта и Божјата милост

Денес се одбележува празникот посветен на зачнувањето на Свети Јован Крстител, во кој се истакнуваат Божјата милост, чудото и мудроста.

— реклама —

Според христијанското предание, Свети Јован бил син на праведните и побожни родители Захарија и Елисавета, кои долго време се молеле за рожба. И покрај нивната старост и бездетност, Бог им ја исполнил молитвата, а раѓањето на Јован било дел од посебниот Божји промисол за спасението на човекот.

— реклама —

Јован подоцна станал пророк и предвесник на Господ Исус Христос. Неговото раѓање, според преданието, било најавено од Божји ангел, како што претходно било објавено и раѓањето на Исак од Сара и на Самсон од Маној и неговата сопруга.

— реклама —

Раѓањето на Јован од престарени родители се претставува како чудо кое ја надминува човечката моќ и природните закони. Во христијанското учење, Бог е Создателот на светот и на човекот и Неговата сила не е ограничена од природните законитости.

— реклама —

Празникот затоа се доживува како потсетување на Божјата милост и семоќност, но и како повик кон вера, благодарност и надеж. Наместо сомнеж и очај, верникот е повикан да ја препознае Божјата промисла и да Му воздаде благодарност за милоста и мудроста.