Денес сончево и до 40 степени, попладне можни невреме и град

Македонија денес ќе биде зафатена од сончево и многу топло време со мала до умерена облачност. Ќе дува слаб до умерен ветер од западен и северозападен правец, а попладне се очекува локална нестабилност проследена со пороен дожд, грмежи и засилен ветер.

— реклама —

Според прогнозата, на одделни места ќе има услови и за невреме со појава на град. Утринските температури ќе се движат од 14 до 22 степени, додека дневните ќе достигнат од 34 до 40 степени.

— реклама —

— реклама —

Во Скопје ќе преовладува сончево и многу топло време со мала до умерена облачност. Во попладневните часови во делови од котлината се очекуваат пороен дожд, грмежи и засилен ветер.

Минималната температура во главниот град ќе изнесува околу 20 степени, а максималната ќе достигне до 39 степени.