Денес врнежи од снег, се очекува формирање на снежна покривка над 20 cm

Претпладне времето ќе биде сончево со мала облачност. Попладне облачноста ќе се зголеми и почнувајќи од запад ќе има врнежи од снег, кои во текот на ноќта ќе се прошират насекаде низ земјава. Ќе дува умерен северен ветер. Утринските температури ќе бидат под нулата, а во некои делови ќе достигнат и до - 11 степени. Во текот на денот температурите ќе се движат 1 до 9 степени.

— реклама —

Во Скопје денес ќе биде облачност со услови за снег. Температурата ќе се движи од -7 до 5 степени.

— реклама —

— реклама —

Под влијание на студен и влажен бран денес попладне, во текот на ноќта, како и во четврток ќе има врнежи од снег, кои пообилни ќе бидат во западните и јужните делови од земјава. Насекаде ќе се формира нова снежна покривка, на западот и југот околу 10 см, на планините и над 20 см, а најмала во североисточните делови (околу 5 см). Поради засилениот северен ветер можна е појава на снежни наноси. Потоа во наредните денови ќе биде променливо облачно и студено со многу ниски утрински температури и со слаби локални врнежи од снег. Најсончево ќе биде во сабота. Поради ниските температури ќе има појава на голомразица.