Сончево и многу топло време со мала локална облачност ќе преовладува денеска низ целата земја. Ќе дува слаб до умерен ветер од променлив правец.
Според прогнозата на Управата за хидрометеоролошки работи, утринските температури ќе се движат од 12 до 19 степени, додека дневните ќе достигнат од 33 до 40 степени Целзиусови.
Во Скопје денеска ќе биде сончево и многу топло, со слаб ветер од променлив правец. Минималната температура ќе се спушти до 16 степени, а максималната ќе достигне до 39 степени Целзиусови.
