Претседателот на македонското Собрание Талат Џафери денеска треба да ги распише претседателските избори, за кои првиот круг треба да се одржи на 21 април, а вториот на 5 мај.
Согласно Изборниот законик, не треба да поминат повеќе од 90 и не помалку од 70 дена од распишување на изборите до денот на нивно одржување. Мандатот на актуелниот претседател Ѓорѓе Иванов завршува на 12 мај.
Кој точно ќе влезе во изборната трка за наследник на Иванов се уште не е познато. Ниту една од политичките партии досега нема конкретен адут за претседателските избори.
