Десет лица се лишени од слобода на различни локации во Скопје, Боговиње и Прилеп, откако при полициски прегледи кај нив биле пронајдени различни материи за кои постои сомнение дека се дрога, соопшти МВР.
Во Скопје, во текот на 28 и 29 септември, полициски службеници од СВР Скопје ги лишиле од слобода М.С. (57), Ф.Н. (43), А.З. (21), Д.Т. (29) и 18-годишната А.Х., сите од Скопје, како и Ф.Н. (53) од село Речане, гостиварско, и Л.Р. (40) и А.Х. (39), двајцата од Шведска.
Кај нив биле пронајдени и одземени марихуана, бела прашкаста материја и грутчеста материја.
Во 02:30 часот на 29 септември, пред угостителски објект во село Боговиње, полициски службеници од ПО Камењане го лишиле од слобода Т.Ѓ. (21) од село Милетино. При извршениот преглед кај него била пронајдена бела прашкаста материја.
Во Прилеп, пак, на 28 септември во 20:20 часот, пред угостителски објект на улицата „Октомвриска“, полициски службеници од ОВР Прилеп го лишиле од слобода З.Т. (45) од Прилеп. При прегледот кај него биле пронајдени грутчеста материја и марихуана.
Од МВР информираат дека по целосното документирање на случаите против лицата ќе следуваат соодветни поднесоци.
