Десет возачи биле лишени од слобода во текот на изминатото деноноќие поради безобѕирно управување со возило, информира Министерството за внатрешни работи.
Од нив, девет возачи управувале без возачка дозвола, а двајца од нив биле малолетници. Еден од возачите предизвикал сообраќајна незгода со материјална штета, додека друг управувал возило под дејство на алкохол.
Од МВР информираат дека по целосното документирање на случаите ќе бидат поднесени соодветни кривични пријави.
Полицијата повторно апелира до сите учесници во сообраќајот да ги почитуваат правилата и прописите, да не управуваат возила без положен возачки испит, за време на изречена забрана за управување или под дејство на алкохол.
