Десетмина возачи уапсени, меѓу нив и малолетници што возеле без возачка дозвола

Во текот на изминатото деноноќие, полицијата на повеќе локации во државата лишила од слобода 10 возачи поради сомнение за сторено кривично дело „безобѕирно управување возило“.

— реклама —

Од нив, седум возачи управувале возила без да имаат положено возачки испит. Станува збор за В.М. (19), Ѓ.Ј. (22), С.У. (36) и К.П.Т. (45), сите од Велес, 17-годишник од село Морани, Скопско, 16-годишник од Скопје и 15-годишник од село Присојница, Општина Маврово и Ростуше. Последниот предизвикал и сообраќајна незгода.

Дополнително, со двајца малолетници од Велес, кои управувале мопеди без возачка дозвола, бил извршен службен разговор во присуство на нивните родители.

— реклама —

Полицијата лишила од слобода и двајца возачи кои управувале моторни возила и покрај изречена активна забрана. Станува збор за П.Р. (61) од село Јакимово, Виничко, и Д.А. (33) од Скопје.

— реклама —

Од слобода бил лишен и П.Л. (70) од Кавадарци, кој управувал возило под дејство на алкохол.

По целосното документирање на случаите, против возачите ќе бидат поднесени соодветни кривични пријави.

Од МВР апелираат до сите учесници во сообраќајот да ги почитуваат правилата и прописите, да не управуваат возила без положен возачки испит, за време на изречена забрана или под дејство на алкохол, со цел да се придонесе за поголема безбедност на патиштата.