Десничарот Болсонаро победи на претседателските избори во Бразил

— реклама —

Екстремно десничарскиот конгресмен Жаир Болсонаро победи во вториот круг од претседателските избори во Бразил, соопшти Централната изборна комисија на таа земја. Со скоро сите пребројани гласови Болсонаро доби над 55 насто од гласовите, победувајќи го левичарот Фернандо Хадад од Работничката партија кој доби нешто над 44 проценти од над 147 милиони луѓе со право на глас. Американскиот претседател Доналд Трамп веднаш му ја честита победата. „Ќе ја смениме судбината на Бразил заедно. Не можеме да продолжиме да флертуваме со социјализм, комунизам, популизам и левичарски екстремизам“, изјави 63 годишниот Болсонаро пред приврзаниците.