Детали: Двајца возачи се во болница по сообраќајката на „Борис Трајковски“

Двајца возачи се повредени во сообраќајна незгода што утрово се случила на булеварот „Борис Трајковски“ во Скопје, во која учествувале товарно возило и два автомобили.

— реклама —

Според информациите од МВР, незгодата била пријавена во СВР Скопје околу 06:50 часот. Во сообраќајката учествувале товарно моторно возило „МАН“ со полуприколка и скопски регистарски ознаки, управувано од К.Д. (59) од Скопје, „Сеат“ со скопски ознаки, управуван од Т.Р. (29), како и „Фолксваген пасат“, управуван од А.Ј. (48), двајцата од Скопје.
Во незгодата биле повредени 29-годишниот возач на „Сеатот“ и 48-годишниот возач на „пасатот“.

— реклама —

— реклама —

Двајцата биле пренесени во ГОБ „Св. Наум Охридски“ за укажување лекарска помош.
Засега нема информации за видот и тежината на нивните повреди.