Девет лица приведени во Батинци по тепачка со камења, оштетено и полициско возило

Девет лица се приведени во Батинци по пријава за меѓусебна физичка пресметка во која биле фрлани камења, а било оштетено и полициско возило.

— реклама —

Од МВР информираат дека на 17 август полициски службеници од СВР Скопје ги лишиле од слобода А.С. (57), С.С. (22), М.С. (22), Р.С. (23), Н.С. (48), И.М. (41), Д.М. (21) и две малолетни лица, сите од село Батинци.

— реклама —

— реклама —

Според пријавата, лицата меѓусебно се гаѓале со камења, при што било оштетено и полициско возило.

— реклама —

По целосното расчистување и документирање на случајот, Единицата за насилен криминал, односно Одделението за насилен криминал при СВР Скопје, ќе поднесе кривична пријава поради постоење основи на сомнение за сторено кривично дело „насилство“.