Во текот на изминатото деноноќие, полициски службеници на различни локации во државата лишиле од слобода девет возачи поради сомнение за сторено кривично дело „безобѕирно управување возило“ согласно член 297-а од Кривичниот законик.
Од нив, осуммина управувале возило без положен возачки испит. Станува збор за Б.М.(31) и А.П.(21), двајцата од Скопје, С.А.(39) од село Страхојадица, скопско, Н.М.(35) и 15-годишник, двајцата од Прилеп, В.С.(41) од Кичево, А.Ш.(18) од Тетово и 17-годишник од село Брвеница, тетовско.
Според МВР, 17-годишникот од Брвеница предизвикал сообраќајна незгода со материјална штета.
Од слобода бил лишен и И.А.(62) од село Долна Бањица, гостиварско, кој управувал возило и покрај изречена забрана за управување со моторно возило.
По целосното документирање на случаите, против лицата ќе бидат поднесени соодветни кривични пријави.
