Девет возачи уапсени, еден возел со 175 километри на час на делница со ограничување од 80

Девет возачи се лишени од слобода, а едно лице е повикано на службен разговор поради сомнение за сторено кривично дело „безобѕирно управување возило“, информира Министерството за внатрешни работи.

— реклама —

Во текот на изминатото деноноќие, полициски службеници на различни локации во државата презеле мерки против десет лица. Осум од возачите управувале возило без да имаат положено возачки испит.

Станува збор за И.Џ. (34), О.Е. (21) и Н.Т. (20) од Скопје, Е.Д. (19) од Арачиново, 17-годишник од Студеничани, С.Д. (65) од Србија, 16-годишник од Велес и Ш.А. (48) од Прилеп. За последниот МВР наведува дека возел и под дејство на алкохол.

— реклама —

В.Д. (31) од Разловци, Делчевско, управувал моторно возило и покрај активната мерка забрана за управување.

— реклама —

Во друг случај, Д.Г.Т. (24) од Холандија управувал со брзина од 175 километри на час на место каде што максимално дозволената брзина била 80 километри на час.

Од МВР информираат дека по целосното документирање на случаите ќе бидат поднесени соодветни кривични пријави.

— реклама —

Од Министерството повторно апелираат до сите учесници во сообраќајот да ги почитуваат сообраќајните правила и прописи и да не управуваат возило без положен возачки испит, со изречена забрана за управување или под дејство на алкохол.