Порталот Ракомет24 објави дека двете девојки што вчера беа удрени на автобуска постројка се ракометарки на првиот тим на ЖРК Вардар.
Девојките со возило на брза помош беа пренесени в болница. Тие се хоспитализирани без посериозни физички повреди и се очекува во текот на денов да бидат пуштени на домашно лекување.
Инаки две девојки беа повредени синоќа во скопската населба Ѓорче Петров, откако во нив удрил џип додека тие чекале на автобуска постројка.
Според очевидци на настанот, џипот кој се движел од правец на Ѓорче Петров кон Центар сакајќи да избегне возило марка „југо“ што му го пресекло патот и влегло во неговата лентата, изгубил контрола и удрил директно во девојките.
Возачите на возилата не се повредени.
фото: Архива
