Министерот за надворешни работи, Никола Димитров, се огласи на Твитер по разочарувачките случувања во Брисел на Самитот на ЕУ и порача дека граѓаните заслужуваат да знаат ако ветувањата не важат повеќе.
„Најмалку што Европската Унија му должи на регионот е да биде искрена со нас. Доколку неа повеќе консензус за европската иднина на Западен Балкан, ако ветувањата од Солу 2003 не важат повеќе, граѓаните заслушуваат да знаат. Благодарност ди сите лидери кои се бореа напорно ЕУ да отвори пристапни преговори со нас и со тоа го прицврстија историскиот Договор од Преспа, кои потикнуваа домашни реформи и кои беа поткрепа на европскиот пат на С.Македонија – земја-кандидат веќе 14 години. Додека чекаме новоти за консензус, ние мора да продолжиме да ги браниме вистинските европски вредности дома“, порача Димиров.
