Директорот на Бирото за јавна безбедност, Александар Јанев, денеска остварил работна посета во Струмица, како и во Полициското одделение и на Граничниот премин Ново Село, информираа од Министерството за внатрешни работи.
Како што соопштија од МВР, за време на посетата Јанев се запознал со состојбите и предизвиците со кои се соочуваат полициските службеници на терен.
На средбите било разговарано за безбедносната состојба, одржувањето на јавниот ред и мир, како и за спречувањето на прекуграничниот криминал. Посебен акцент бил ставен на унапредувањето на условите за работа, техничката опременост и зајакнувањето на координацијата со надлежните служби и соседните држави.
Од МВР посочуваат дека Граничниот премин Ново Село претставува важна точка за проток на патници и стоки, при што приоритет останува обезбедувањето ефикасна, професионална и безбедна услуга за граѓаните.
