Целата механизација и сите вработени на „Македонијапат“ се на терен од почетокот на паѓањето снег. Директорот Костадин Ацевски, посочува дека на секоја делница, има нивни екипи кои прават се што можат да се справат со снежните наноси. Но проблем имаат со граѓаните кои на пат тргнале без зимска опрема.
„Екипите на Македонијапат со сите расположливи сили се борат со интензивни врнежи на снег на целата територија на државата. Истовремено се бориме и со застои во сообраќајот предизвикани од голем број возила со летни гуми и возила кои не ги почитуваат обврските и забраните за сообраќај во зимски услови“, вели Ацевски.
Во изминатите часови имаше повеќе застои. Сообраќајот се нормализира, но се одвива отежнато.
