Дивеење низ Штип: 21-годишник фатен со 105 км/ч во населено место

Полицијата санкционирала млад возач од Штип кој управувал возило со повеќе од двојно поголема брзина од дозволената во населено место.

— реклама —

Од МВР информираат дека вчера во 17:20 часот на булеварот „Гоце Делчев“ во Штип, со помош на специјално возило-пресретнувач, е измерена брзина од 105 километри на час кај патничко возило „голф“ со штипски регистарски ознаки.

— реклама —

На оваа локација максимално дозволената брзина е 50 километри на час.

Против возачот С.И. (21) од Штип се преземени соодветни мерки и тој ќе се соочи со законски предвидените санкции.

— реклама —

Од МВР најавуваат дека сообраќајните контроли со пресретнувачи ќе продолжат и во наредниот период низ државата, со цел зголемување на безбедноста во сообраќајот.

— реклама —

Воедно, апелираат до граѓаните да ги почитуваат сообраќајните правила и прописи, потенцирајќи дека одговорното однесување е клучно за побезбедни патишта.