Дмитриев: Зеленски отсекогаш бил против Трамп и мировните иницијативи

Специјалниот претставник на рускиот претседател за инвестиции и економска соработка со странство, Кирил Дмитриев, го обвини украинскиот претседател Володимир Зеленски дека постојано се спротивставувал на американскиот претседател Доналд Трамп и на мировните иницијативи.

— реклама —

„Зеленски отсекогаш бил против Трамп и против мирот“, напиша Дмитриев на социјалната мрежа Икс. Тој изрази уверување дека мировните предлози на американскиот претседател ќе успеат и покрај отпорот од Киев.

— реклама —

Изјавата следува по објавувањето на интервју на Зеленски за Си-Ен-Ен, во кое, според руската агенција РИА Новости, тој зборувал за опасноста од предлогот на американскиот претставник Џаред Кушнер Русија да биде вклучена во разговорите за идната безбедносна архитектура на Европа.

— реклама —

Кушнер претходно најави дека САД планираат да ја вклучат Русија во преговорите за новата европска безбедносна рамка како дел од решавањето на украинскиот конфликт. Следната рунда трилатерални разговори меѓу Русија, САД и Украина е закажана за 10 и 11 ноември во Абу Даби.

— реклама —

Американскиот претставник Стив Виткоф најави дека на средбата ќе се разговара за безбедносни гаранции, намалување на тензиите, хуманитарни прашања и следните чекори кон мирно решение. Кремљ го потврди учеството на руската делегација, која ќе ја предводи претседателскиот помошник Владимир Медински.