До 13 часот регистрирани пет пожари на отворен простор, два сè уште активни

До 13:00 часот денеска на територијата на државата се регистрирани вкупно пет пожари на отворен простор, од кои два се активни, еден е ставен под контрола, а два се изгаснати, информира Центарот за управување со кризи (ЦУК).

— реклама —

Активни се пожарите во населбата Света Недела во Општина Штип, каде гори деградирана ниска вегетација, како и кај селото Братиндол во Општина Битола, каде исто така е зафатена деградирана ниска вегетација.

— реклама —

— реклама —

Под контрола е пожарот на депонијата „Шапкар“ кај селото Добршинци во Општина Василево.

— реклама —

Во меѓувреме, изгаснати се пожарот кај браната Манотов во Општина Конче, каде горела деградирана ниска вегетација, како и пожарот на улицата „Дебарца“ во Прилеп, каде горел отпаден материјал.