До 18 часот осум пожари на отворено, активен остана само еден

До 18:00 часот денеска во земјава се регистрирани вкупно осум пожари на отворен простор, од кои еден е сè уште активен, два се ставени под контрола, а пет се целосно изгаснати, информира Центарот за управување со кризи (ЦУК).

— реклама —

Активен е пожарот во Општина Старо Нагоричане, на атарот на селата Степанце и Добрача, каде што гори сува трева и ниска шума.

— реклама —

— реклама —

Под контрола се два пожара – во Општина Василево, кај селото Доброшинци, каде што гори депонија, и во Општина Босилово, кај селото Штука, каде што се зафатени депонија и нискостеблеста шума.

— реклама —

Во меѓувреме, изгаснати се пет пожари. Тие биле регистрирани покрај автопатот Тетово–Гостивар, во близина на селото Врбјаниште, покрај локалниот пат од селото Новаци кон месноста Ергела, кај ФЕЦ Новаци, во атарот на селото Бели, во Кочани, на улицата „Мајка Тереза“ во Струмица и на улицата „Западен булевар“ во Кавадарци, каде што гореле сува трева, ниска вегетација, диви депонии и хаварисани возила.