До 18 часот регистрирани 10 пожари на отворен простор, активен е само еден

Центарот за управување со кризи (ЦУК) соопшти дека до 18:00 часот на 19 јули се регистрирани вкупно 10 пожари на отворен простор низ државата. Од нив, еден пожар е активен, еден е ставен под контрола, а осум се целосно изгаснати.

— реклама —

Активен останува пожарот во Општина Кочани, на патот кон Пробиштип, каде што гори деградирана ниска вегетација.

— реклама —

Под контрола е пожарот во Општина Василево, кај селото Доброшинци, на депонијата „Шапкар“.

— реклама —

Изгаснати се пожарите кај браната Мантово во Општина Конче, на улицата „Дебарца“, во селото Житоште и во населбата Дабница во Општина Прилеп, во населбата Света Недела во Штип, кај селото Бигла во Делчево, кај селото Братиндол во Битола и кај селото Златари во Општина Ресен.

— реклама —

Од ЦУК информираат дека надлежните служби и понатаму ја следат состојбата на терен и интервенираат каде што е потребно.