До 18 часот регистрирани 11 пожари на отворен простор, три се активни

Во текот на денешниот ден во Македонија се регистрирани вкупно 11 пожари на отворен простор, од кои три сè уште се активни, а осум се изгаснати, информира Центарот за управување со кризи (ЦУК).

— реклама —

До 18 часот активни се пожарите во Општина Долнени, во селата Бело Поле и Браилово, каде што гори ниска вегетација, како и во Општина Аеродром, во Горно Лисиче, исто така со зафатена ниска вегетација.

— реклама —

Во текот на денот биле изгаснати осум пожари. Интервенции имало во селото Бањица, во Општина Чашка, во Биџево, во Општина Струга, и во Сенакос, во Општина Врапчиште.

Пожар бил изгаснат и на депонијата во Делчево, како и кај езерото Букри, во Општина Новаци, каде што горела шума.

— реклама —

Во Општина Сопиште бил изгаснат пожар во селото Чифлик, каде што била зафатена борова шума. Интервенции имало и во Брњарци, во Општина Арачиново, каде што гореле ниска вегетација и борови дрвја, како и во Волково, во Општина Ѓорче Петров, каде што биле зафатени ниска вегетација, борови дрвја и грмушки.

Од ЦУК информираат дека податоците се однесуваат на состојбата со пожарите на отворен простор до 18 часот на 8 август 2026 година.