Во текот на денешниот ден, заклучно со 18:00 часот, во државата се регистрирани 12 пожари на отворен простор, од кои активен е само еден, соопшти Центарот за управување со кризи (ЦУК).
Активен е пожарот во Општина Кочани, кај селото Рајчани, во близина на црквата „Света Троица“, каде што гори ниска вегетација.
Во меѓувреме, изгаснати се 11 пожари. Интервенции имало во Струмица кај селото Добрејци, Кратово кај селото Железница, Ново Село кај селото Бајково, Струга кај селото Делогожда, Велес кај гробиштата на црквата „Свети Спас“, Тетово кај селото Фалише, Желино кај селото Требош, Врапчиште, Куманово кај селото Ново Село, Арачиново кај селото Грушино и во Општина Илинден, на Ајватовски Пат.
Во овие пожари гореле ниска вегетација, стрништа, депонија, ѓубре и шумски појаси. Според ЦУК, сите се успешно локализирани и изгаснати.
