До 18 часот регистрирани 13 пожари, два сè уште се активни

До 18 часот денеска на територијата на државата се регистрирани вкупно 13 пожари на отворен простор, од кои два сè уште се активни, а 11 се изгаснати.

— реклама —

Според надлежните служби, активни се пожарите во охридското село Мешеишта, каде што гори ниска вегетација, како и покрај магистралниот пат Велес–Штип, каде што се зафатени нискостеблеста шума, сува трева и грмушки.

— реклама —

— реклама —

Во текот на денот изгаснати се пожари во повеќе општини низ државата. Интервенции имало во Шуто Оризари, Зелениково, Кисела Вода, Виница, Кочани, Битола, Долнени, Прилеп, Ресен, Љипково и Старо Нагоричане.

— реклама —

Пожарите најчесто зафатиле ниска вегетација, сува трева, ѓубре, стрништа и шумски површини.