До 18 часот регистрирани 15 пожари на отворено, пет сè уште се активни

До 18:00 часот денеска во Македонија се регистрирани вкупно 15 пожари на отворен простор, од кои пет се активни, еден е ставен под контрола, а девет се целосно изгаснати, информира Центарот за управување со кризи (ЦУК).

— реклама —

Активни се пожарите меѓу селата Слатина и Грешница и од селото Девич кон Самоков во Општина Македонски Брод, меѓу селата Делогожда и Татеши во Општина Струга, кај селото Борино во Општина Крушево и кај селото Баранци во Општина Битола.

— реклама —

Под контрола е пожарот меѓу селата Горна и Долна Лешница во Општина Желино.

— реклама —

Во меѓувреме, изгаснати се девет пожари на подрачјата на Велес, Струмица, Ѓорче Петров, Босилово, Валандово, Штип, Илинден, Сарај и Гостивар.

— реклама —

Надлежните служби продолжуваат со интервенциите на терен за локализирање и гаснење на преостанатите активни пожари.