До 18 часот регистрирани 15 пожари, пет сè уште активни

До 18 часот денеска во државата се регистрирани вкупно 15 пожари на отворен простор, од кои пет се сè уште активни, а десет се изгаснати, соопшти Центарот за управување со кризи (ЦУК).

— реклама —

Активни пожари има во Општина Василево, меѓу селата Доброшинци и Василево, каде што гори сува трева, стрништа и дива депонија, во Општина Кичево кај селото Зајас, во Општина Кавадарци меѓу селата Раец и Ќесендре, каде што се зафатени нискостеблеста шума и сува трева, како и во Општина Теарце кај селото Теарце, каде што гори нива, стрништа и сува трева.

— реклама —

— реклама —

Најкритична е состојбата кај Прилеп, на месноста Тризла Теке, каде што гори депонија, а пожарот се шири во три правци – кон Маркови Кули, кон превојот кај црквата „Богородица“ и кон месноста Три Багреми.

— реклама —

Во текот на денот се изгаснати десет пожари, меѓу кои во Бутел, Шуто Оризари, Битола, Велес, Брвеница, Куманово, Старо Нагоричане, два пожара во Липково и еден меѓу селата Слатина и Грешница во Општина Македонски Брод.