До 18 часот регистрирани 15 пожари, шест сè уште активни

Во текот на денешниот ден во земјава се регистрирани 15 пожари на отворен простор, од кои шест и понатаму се активни, соопшти Центарот за управување со кризи.

— реклама —

Според информацијата до 18 часот, два пожари се ставени под контрола, додека седум се целосно изгаснати.

— реклама —

Активни пожари има во Македонски Брод, кај местото Видуш во близина на село Драгов Дол, каде што гори ниска вегетација, нискостеблеста шума и грмушки. Пожари се активни и во Долна Белица во Струга, во село Плареник во Центар Жупа, кај турските гробишта во Кичево, во село Букри во Битола и во село Житоше во Долнени.

— реклама —

Под контрола се пожарите на излезот од Крива Паланка, каде што гори депонија, и на градската депонија во Делчево.

— реклама —

Во текот на денот се изгаснати пожари во Новаци, Велес, Босилово, Штип, Градско, Неготино и Арачиново.