До 18 часот регистрирани 17 пожари, активни се два

До 18:00 часот денеска на територијата на државата се регистрирани вкупно 17 пожари на отворен простор, од кои два сè уште се активни, еден е ставен под контрола, а 14 се целосно изгаснати, информира Центарот за управување со кризи (ЦУК).

— реклама —

Активни се пожарите во Општина Струмица, на потегот Ново Село, каде што гори ниска вегетација, сува трева и шума во поле, како и пожарот во Општина Центар, на Булевар „Македонија“, каде што се зафатени магацински простории.

— реклама —

Под контрола е пожарот во Општина Кавадарци, кај селото Возарци, каде што гореле ниска вегетација, сува трева, стрниште и напуштени лозови насади.

— реклама —

Во текот на денот изгаснати се 14 пожари на повеќе локации низ државата, меѓу кои во Сарај, Центар, Ченто, Пехчево, Штип, Теарце, Брвеница, Македонски Брод, Прилеп, Ресен, Старо Нагоричане, Куманово и Велес.

— реклама —

Од ЦУК апелираат до граѓаните да бидат внимателни при движење и престој на отворено, особено во услови на високи температури, и да не палат оган на места каде што постои опасност од негово неконтролирано ширење. Надлежните служби и понатаму се на терен и ја следат состојбата со активните пожари.