Центарот за управување со кризи (ЦУК) соопшти дека до 18 часот денеска на територијата на државата се регистрирани вкупно девет пожари на отворен простор. Од нив, два се активни, еден е ставен под контрола, а шест се изгаснати.
Активни се пожарите кај селото Бајково во Општина Струмица, каде што гори шума, како и кај селото Гарани во Општина Кичево, каде што се зафатени ниска вегетација и стрништа.
Под контрола е пожарот кај селото Мокриево во Општина Ново Село, каде што горела ниска вегетација.
Во текот на денот се изгаснати шест пожари, и тоа кај месноста Трајаново Трло во Општина Кочани, во Општина Чешиново-Облешево, кај селото Пршовце во Општина Теарце, кај селото Речане во Општина Гостивар, во населбата Инџиково во Општина Гази Баба и во населбата Визбегово во Општина Шуто Оризари. Според ЦУК, во овие случаи гореле ниска вегетација, стрништа, отпаден материјал и дива депонија.
