До 18:00 часот денеска на територијата на државата се регистрирани вкупно девет пожари на отворен простор, информираат од Центарот за управување со кризи. Од нив, еден пожар е сè уште активен, еден е ставен под контрола, додека седум пожари се целосно изгаснати.
Активен останува пожарот во Општина Штип, каде што гори на градската депонија.
Под контрола е ставен пожарот на подрачјето на општините Свети Николе и Лозово, во атарите на селата Делисинци и Сарамзалино, каде што горела ниска вегетација.
Во меѓувреме, изгаснати се пожарите во Куманово на улицата „Ѓуро Пуцар“ број 38, во селото Чашка во Општина Чашка, во селото Обедник во Општина Демир Хисар, во селото Јурумлери во Општина Гази Баба, како и во селата Липково и Матејче во Општина Липково. Изгаснат е и пожарот во кумановската населба Перо Чичо, каде што биле зафатени бандери и дрвја.
Надлежните служби продолжуваат да ја следат состојбата на терен и апелираат до граѓаните внимателно да се однесуваат на отворен простор со цел да се спречи појава на нови пожари.
