До 18 часот на територијата на Македонија се регистрирани вкупно шест пожари на отворен простор, од кои еден сè уште е активен, а пет се целосно изгаснати.
Според информациите од надлежните служби, активен останува пожарот во атарот на селото Војница во Општина Чашка, каде што е зафатена борова шума.
Во текот на денот се изгаснати пет пожари во атарите на селата Глуво во Општина Чучер-Сандево, Талашманце и Железница во Општина Кратово, Вашарејца во Општина Могила и Дебреште во Општина Долнени.
Кај изгаснатите пожари биле зафатени мешани шуми, ниска вегетација и депонии.
