До 18 часот регистрирани шест пожари на отворен простор, четири се изгаснати

До 18 часот денеска на територијата на државата се регистрирани вкупно шест пожари на отворен простор, од кои еден е активен, еден е ставен под контрола, а четири се целосно изгаснати.

— реклама —

Според информациите од надлежните служби, активен е пожарот во Општина Гостивар, во близина на селото Чегране, каде што гори ниска вегетација и грмушки.

— реклама —

Под контрола е ставен пожарот во Општина Кратово, кај селото Железница, каде што гори депонија.

Во текот на денот целосно се изгаснати четири пожари. Станува збор за пожарот во Општина Струмица, помеѓу селата Муртино и Банско, каде што гореле ѓубре, ниска вегетација и шибје, како и пожарот во Општина Теарце, во близина на бензинската пумпа „Стјудес Петрол“, каде што била зафатена ниска вегетација.

— реклама —

Изгаснати се и пожарите во Општина Пехчево, на потегот меѓу селата Панчарево и Црник, како и во Општина Велес, кај селото Долно Дуќани, каде што исто така горела ниска вегетација.

— реклама —

Надлежните служби и понатаму ја следат состојбата на терен и апелираат до граѓаните внимателно да се однесуваат на отворен простор со цел да се спречи појава на нови пожари.