До 18:00 часот денеска на територијата на државата се регистрирани шест пожари на отворен простор, од кои еден е сè уште активен, а пет се целосно изгаснати, информира Центарот за управување со кризи.
Активен е пожарот на подрачјето на општините Чешиново-Облешево и Пробиштип, во атарите на селата Новоселани и Лепопелци, како и Бучиште и Неокази, каде што гори ниска вегетација и нискостеблеста деградирана шума.
Во меѓувреме, изгаснати се пет пожари. Четири од нив биле на подрачјето на Општина Штип – кај селата Чардаклија и Стар Караорман, на локалитетот „Исар“ и помеѓу Штипска млекара и текстилната конфекција „Албатрос“, каде што гореле ниска вегетација, жито и стрништа.
Изгаснат е и пожарот кај силосите на „Жито Полог“ во Општина Тетово, каде што исто така горела ниска вегетација.
