До 18 часот регистрирани 15 пожари на отворен простор, два сè уште активни

На територијата на земјава до 18 часот денеска се регистрирани 15 пожари на отворен простор, од кои два сè уште се активни, еден е ставен под контрола, а 12 се целосно изгаснати, информира Центарот за управување со кризи.

— реклама —

Активни се пожарите во Општина Македонски Брод, во месноста Видуш, во близина на селото Драгов Дол, каде гори ниска вегетација, нискостеблеста шума и грмушки, како и во Општина Ново Село, кај Ново Село на планината Огражден, каде се зафатени депонија, мешана деградирана шума и ниска вегетација.

— реклама —

Под контрола е пожарот на градската депонија во Делчево.

— реклама —

Во текот на денот се изгаснати пожари во Виница, Штип, Центар Жупа, Кичево, Лозово, Куманово, Врвеница, Желино, Теарце, Врапчиште, Гази Баба и Сарај.

— реклама —

Од ЦУК соопштија дека податоците се однесуваат на состојбата заклучно со 18 часот на 11 август 2026 година.