До 18 часот регистрирани 18 пожари во земјава, осум сè уште активни

Во земјава до 18 часот денеска се регистрирани 18 пожари на отворен простор, од кои осум се активни, еден е под контрола, а девет се изгаснати, информира Центарот за управување со кризи (ЦУК).

— реклама —

Најголем број активни пожари има во повеќе општини. Во Ресенско гори меѓу селата Бела Црква и Подмочани, каде што се зафатени борова шума и ниска вегетација.

Активен е и пожарот на подрачјето на Студеничани и Зелениково, од селата Моране, Вртекица и Рамни Габер кон кракот кон Палиград, во правец на Преслап, каде што гори мешана шума.

— реклама —

Пожари има и на подрачјето на Сарај, меѓу Копаница и Радуша, во Петровец меѓу Горно Коњари и Дивљан, во Јегуновце кај Копанце и во Чашка над Нежилово, на местото викано Сватови.

— реклама —

Во Прилепско активни се два пожара – кај селото Алинци, каде што гори депонија, и кај касарната, каде што е зафатена ниска вегетација.

Еден пожар е ставен под контрола на подрачјето меѓу Гостивар и Македонски Брод, кај селото Трново, со ширење кон Битово, Заград и Страјане. Таму се зафатени нискостеблеста шума, ниска вегетација, пасишта и папрат.

— реклама —

Во текот на денот се изгаснати девет пожари во Битола, Долнени, Прилеп, Струмица, Босилово, Струга, Градско, Куманово и Липково.